Bloger Justking31 isi qarjylyq tekserýge jiberildi – agenttik
ASTANA. KAZINFORM – Qarjylyq monıtorıng agenttigi qazaqstandyq bloger Nurtaza Nurbekke (Justking31) qatysty materıaldardy qarjylyq mán-jaılardy anyqtaý úshin ýákiletti organǵa joldady.
– Justking-ke qatysty materıaldardy ýákiletti organǵa joldadyq. Olar atalǵan qyzmet nátıjesinde qandaı somalar alynǵanyn jáne qansha qarajat jumsalǵanyn anyqtaıdy. Barlyq fakti naqtylanyp, materıaldar usynylǵannan keıin biz bul áreketterge quqyqtyq baǵa beremiz, – dedi Qarjylyq monıtorıng agenttiginiń tóraǵasy Jeńis Elemesov Senat kýlýarynda.
Buǵan deıin bloger Instagram jelisinde utys oıyndaryn ótkizgeni úshin ákimshilik jaýapqa tartylǵan bolatyn.
Aıta keteıik, endi blogerlerdiń lotereıa ótkizýi qylmystyq sanatqa aýystyrylady.
Osy aptada 11 avtokólikti utysqa qoıyp, kýrs satqan blogerler Erbolat Janabylov pen Elmıra Tólegenovaǵa qatysty qylmystyq is qozǵaldy.
Májilis depýtattary da bir úıdi utysqa salyp, 1,5 mlrd teńge paıda tabatyn blogerler keısin Qylmystyq kodeks arqyly qarastyrýdy usynyp otyr.