Bloger Instagram-ǵa salǵan sýreti úshin 10 myń dollar syıaqy aldy
ASTANA. QazAqparat - Pskovtyq bloger Dmıtrıı Markov Getty Images atty amerıkalyq fotoagentstvadan 10 myń dollar syıaqy aldy, dep habarlaıdy Bı-bı-sı.
Bul grant Instagram áleýmettik jelisin adamdarǵa beımálim jerlerdi álemge pash etý maqsatynda qoldanatyn fotograftardy yntalandyrý úshin oılap tabylǵan.
«2 jyl buryn fotozametka úshin akkaýnt ashtym. Ol kezde onyń osynsha tanymal jobaǵa aınalatynyn bilmedim. Bul sýretterge mán bergen barsha adamdarǵa tek alǵys bildiremin, sizderdiń nazarlaryńyz meni budan da kóbirek sýret túsirýge yntalandyrady. Bul yntalandyrýǵa qazirgi sátte Gettı men Instagramnyń qoldaýy qosylyp otyr», - deıdi bloger.
Dmıtrıı Markov ár túrli qalalar men onyń turǵyndaryn túsiredi. Blogyna 33 myńdaı adam tirkelgen.
Time jýrnalyna bergen suhbatynda ol jeńip alǵan granty túsirilim aıasyn keńeıtýge múmkindik beretinin aıtqan.
