Bloger Elmıra Tólegenova sotta protsestik kelisim jasaýǵa ótinish bildirdi
ASTANA. KAZINFORM – Astanada erli-zaıypty bloger Janabylovtarǵa qatysty qylmystyq is boıynsha sotta Elmıra Tólegenova sońǵy sózin aıtty.
Sottalýshynyń aıtýynsha, atalǵan jaǵdaı olar úshin úlken sabaq bolǵan.
– Biz ózimiz úshin úlken qorytyndy jasadyq. Bul bizge ómirlik sabaq boldy. Zań buzǵanymyzǵa ókinemiz. Qurmetti sottan maǵan jáne jubaıyma bas bostandyǵynan aıyrýmen baılanysty emes jaza taǵaıyndaýdy, sondaı-aq isti jeńil qaraýdy suraımyn, – dedi ol.
Sonymen qatar ol óz sózinde keńesý bólmesine ketpes buryn protsestik kelisim jasaý týraly ótinish bildirip, onyń barlyq sharttary men saldary tolyq túsindirilgenin atap ótti.
Buǵan deıin Prokýror bloger Janabylov pen áıelin 4 jylǵa sottaýdy suraǵan edi.
Sondaı-aq tergeýshi Janabylovqa qatysty jala jabý baby boıynsha shaǵymdanýy múmkin ekenin jazǵanbyz.
