Bloger astyq eksportyna qatysty problemalardyń qalaı paıda bolatynyn anyqtady

ASTANA. KAZINFORM – Bloger Beksultan Sandybekov astyq eksportyndaǵy kidiristiń naqty qaı tusta týyndaıtynyn anyqtaý úshin elevatorlardy aralap, logıstermen jáne operatorlarmen kezdesti.

Onyń aıtýynsha, syrt kózge astyq eksporttaý protsesi «júkteý – jóneltý – shetelge shyǵarý» sııaqty qarapaıym kóringenimen, is júzinde fermer egindiginen bastap shekaradan ótetin quramǵa deıingi búkil tizbekke áser etetin kúrdeli logıstıkalyq júıe bar.

Blogerdiń baıqaýynsha, Qazaqstan aýmaǵyndaǵy jumys qalypty júrip jatyr. Joǵary júktemege qaramastan, kidiris joq:

– astyq kezeksiz qabyldanady jáne keptiriledi;
– elevatorlar vagondardy keste boıynsha júkteıdi;
– temirjol operatorlary quramdardy ýaqytynda usynady;
– astyq tasıtyn vagondar parki suranysty tolyq qamtamasyz etip otyr.

Problemalar quram el aýmaǵynan shyqqannan keıin ǵana bastalady.

Logıster men stantsııa qyzmetkerleriniń aıtýynsha, keshigýdiń basty faktory – kórshi memleketterdiń vagondardy birkelki qabyldamaýy. Máselen, Saryaǵash ótkizý pýnktinde jaǵdaı táýliktiń ózinde ózgerip otyrady. Qabyldaýshy tarap birde jyldam túsirse, birde kenetten shekteý engizedi. Taǵy birde shamadan tys júkteme nemese joldardyń bolmaýyna baılanysty túsirýdi toqtatady.

Nátıjesinde quramdar birneshe saǵattan birneshe táýlikke deıin kezek kútýge májbúr.

Beksultan Sandybekovtyń qorytyndysy boıynsha, eksport – tek fermer nemese temirjol jumysy emes. Qazaqstan shekarasynan tys jerdegi kez kelgen irkilis el ishindegi búkil salanyń qarqynyn tejeı alady. Sondyqtan bul máselelerdi memleketaralyq deńgeıde sheshý qajet.

Aıta keteıik, Soltústik Qazaqstannan Sıanǵa astyq tasymaldaý arnasy ashyldy.