Bilim júıesinde «Eńbek Eri» ataǵyn alǵan qansha ustaz eńbek etip jatyr

ASTANA.KAZINFORM — Qazaqstannyń tarıhynda joǵary memlekettik nagrada «Eńbek Eri» ataǵymen marapattalǵan toǵyz pedagogtiń esimi belgili. Olardyń ishinde Sotsıalıstik Eńbek Erleri Jaqııa Shaıjúnisov, Qudys Ábsámetov, Rafıqa Nurtazına, Marjan Tasova bar. Bul týraly Oqý-aǵartý mınıstrliginiń baspasóz qyzmeti habarlady. 

2008 jyly «Qazaqstannyń Eńbek eri» ataǵymen akademık Aıagúl Mırazova marapattaldy, al 2018 jyly bul joǵary ataq Shymkent qalasyndaǵy A.Pýshkın atyndaǵy №1 mektep-gımnazııasynyń bıologııa pániniń muǵalimi Alına Solovevaǵa berildi.

Arada 5 jyldan keıin 2023 jyly 5 qazanda abaılyq muǵalim Alma Shúkijanova marapattaldy. 2024 jyly Memleket basshysy Qasym-Jomart Toqaev el tarıhynda alǵash ret birden eki muǵalimge «Qazaqstannyń Eńbek Eri» ataǵymen Altyn juldyz aıryqsha erekshelik belgisin jáne «Otan» ordenin tapsyrdy. Olar – Almaty qalasyndaǵy №4 arnaıy mektep-ınternatynyń matematıka pániniń muǵalimi Gúljanar Nurpeıisova men Oral qalasyndaǵy №34 mektep-gımnazııasynyń muǵalimi Elmara Traısova. 

Aıta ketelik Qasym-Jomart Toqaev bir top ustazdy memlekettik nagradamen marapattaǵan edi.