Bilim salasynda jymqyrylǵan 1,5 mlrd teńge memleketke qaıtaryldy

ASTANA. KAZINFORM - Búgingi kúni Túrkistan oblysynda Bilim salasynyń 123 qyzmetkerine qatysty 7 qylmystyq is boıynsha sotqa deıingi tergep-tekserý aıaqtaldy, dep habarlaıdy óńirlik prokýratýranyń baspasóz qyzmeti. 

Onyń ishinde 5 ispen protseske qatysýshy tulǵalar tanysýda, al Saýran jáne Sozaq aýdany bilim bólimderiniń qyzmetkerlerine qatysty 2 isti oblys prokýratýrasy sotqa jiberdi.

Tergep-tekserý barysynda kúdikti tulǵalardan memleketke 1,5 mlrd teńge zalal óndirildi jáne olardyń qylmystyq jolmen tabylǵan 2,9 mlrd teńge múlikterine tyıym salyndy.

Buǵan deıin Antıkor bilim salasynda jemqorlyq faktisi jıi tirkeletin óńirlerdi ataǵan edi.