Bilim salasyna 7 jylda 1,5 trln teńgeniń granty bólingen
ASTANA. KAZINFORM – Keıingi jeti jyldaǵy negizgi nátıjelerdiń biri joǵary bilimge memlekettik qoldaýdyń júıeli túrde keńeıýi boldy. Osy kezeńde Qazaqstanda 655 680 bilim granty bólindi, al qarjylandyrýdyń jalpy kólemi 1,5 trln teńgeni qurady.
-Bul jastarǵa tikeleı memlekettik qoldaý kórsetýdiń jáne eldiń adam kapıtalyna ınvestıtsııalaýdyń eń aýqymdy quraldarynyń biri bolyp tabylady. Bilim berý granty – bul naqty talapkerdiń memleket esebinen joǵary bilim alý múmkindigi ǵana emes. Eldiń kadrlyq áleýetin aldaǵy jyldarǵa qalyptastyrý týraly sóz bolyp otyr. Memlekettik bilim berý tapsyrysy júıesi arqyly bolashaqta ekonomıkada jáne basqa da strategııalyq mańyzdy baǵyttarda jumys isteýge tıis mamandardy daıarlaýǵa jaǵdaı jasalady,-delingen habarlamada.
Sondaı-aq onda bólingen qarajattyń aýqymy joǵary bilimniń qoljetimdiligi memlekettik saıasattyń basymdyqtarynyń biri bolyp qala beretini aıtylǵan.
7 jyl ishinde memleket bilim granttaryna iri uzaq merzimdi ınvestıtsııalyq baǵdarlamalarǵa para-par soma bóldi. Bul rette nátıje tek qarjylandyrý kólemimen ǵana emes, eń aldymen memleket esebinen joǵary oqý oryndarynda bilim alý múmkindigine ıe bolǵan jastardyń sanymen ólshenedi.
Bul sharanyń oqý aqysy aıtarlyqtaı qarjylyq aýyrtpalyq bolyp tabylatyn otbasylar úshin erekshe mańyzy bar.
-Sonymen qatar, búginde memlekettiń mindeti granttar sanyn kóbeıtýmen ǵana shektelmeıdi. Kelesi kezeń - bul ınvestıtsııalardyń tıimdiligin arttyrý: kadrlar daıarlaýdyń ekonomıka qajettilikterine sáıkestigi, bilim berý baǵdarlamalarynyń sapasy, túlekterdiń suranysqa ıe bolýy jáne joǵary bilimniń naqty sektormen baılanysy.
Osylaısha, alty jylda 655 680 grant jáne 1,5 trln teńge qarjylandyrý – bul jastarǵa memlekettik qoldaýdy júıeli túrde keńeıtýdiń kórsetkishi, - dep habarlaıdy mınıstrliktiń baspasóz qyzmeti.
Aıta keteıik, bıyl Astanada jańa oqý jylynda 9 jańa bilim berý nysany ashyldy.
