Bilim granttarynyń 20%-y tasqyn sý basqan óńir talapkerlerine bólinedi

ASTANA. KAZINFORM – Ǵylym jáne joǵary bilim mınıstrligi bilim granttary konkýrsyna qatysty túsinikteme berdi.

«Talapker negizgi UBT-dan tómen ball jınasa, qańtar nemese naýryz aılaryndaǵy UBT-nyń joǵary nátıjelerimen grant konkýrsyna qatysý múmkindigi bar. Osylaısha, eń úzdik UBT nátıjesimen grant konkýrsyna qatysýǵa bolady. 2024 jyly jalpy grant sanynyń 20%-y sý tasqynynan zardap shekken óńirlerdiń talapkerlerine bólinedi», - delingen vedomstvo taratqan habarlamada.

Aıta ketsek, tasqyn sý basqan aımaqtardaǵy túlekterden grant konkýrsyna qujattar 13-24 shilde aralyǵynda qabyldanady.

Eske sala keteıik, sý tasqynynan zardap shekken óńirler qataryna Aqmola oblysy, Aqtóbe oblysy, Atyraý oblysy, Batys Qazaqstan oblysy, SQO jáne Qostanaı oblysy jatady.

Buǵan deıin tasqyn sý basqan 6 óńir túlekteri grant konkýrsyna burynǵy UBT sertıfıkatymen qatysa alatyny týraly habarlaǵan edik.