Bilim granty ıegerleriniń tizimi 7 tamyzda jarııalanady

ASTANA. KAZINFORM – Memlekettik bilim berý granttary ıegerleri 7 tamyz kúni belgili bolady. Bul týraly Ǵylym jáne joǵary bilim mınıstri Saıasat Nurbek málim etti.

– Jýyrda ǵana Memlekettik bilim berý granttaryn taǵaıyndaý jónindegi respýblıkalyq komıssııanyń otyrysy aıaqtaldy. Osyǵan baılanysty kópten kútken memlekettik grant ıegerleriniń tizimi erteń, 7 tamyzda jarııalanatynyn qýana habarlaımyn, – dedi mınıstr.

• Grant ıegerleriniń tizimi myna resmı resýrstarda jarııalanady:
  https://t.me/SayasatNurbek
• https://t.me/gylym_jogary_bilim
  
• https://www.gov.kz/memleket/entities/sci?lang=kk
• https://testcenter.kz

Eske sala keteıik, 5 tamyzda bilim berý granttaryn taǵaıyndaý jónindegi respýblıkalyq komıssııa óz jumysyn aıaqtaǵan bolatyn.

2025-2026 oqý jylyna Qazaqstan boıynsha 77 myńnan astam memlekettik bilim granty bólindi.

Aıta keteıik, talapkerlerdi joǵary oqý oryndaryna qabyldaý protsesi 2025 jylǵy 25 tamyzǵa deıin aıaqtalýy tıis.