«Bilim ekonomıkasy» dep atalatyn jańa uǵym – barlyq ózgeristiń qozǵaýshy kúshi

ASTANA.KAZINFORM - Jańa Konstıtýtsııa jobasynda Qazaqstan adamı kapıtaldyń, bilim, ǵylym jáne ınnovatsııalardyń damýyn memlekettiń strategııalyq qyzmetiniń negizgi baǵyty retinde tanıtyny kórsetilgen.

Bul baǵyttardy aıqyndaý kezdeısoqtyq emes, shyn máninde Qazaqstannyń odan ári damýynda asa qajetti faktor sanalady.

Jyldam ózgerip jatqan álemde – kúndelikti tehnologııalyq jetistikter búkil planetanyń keleshek ómir súrý paradıgmasyn ózgertip jatqan shaqta negizgi resýrs mıneraldar emes, adam ekeni anyq.

Búginde «bilim ekonomıkasy» dep atalatyn jańa uǵym barlyq ózgeristerdiń negizi jáne qozǵaýshy kúshi. Osy turǵyda Konstıtýtsııada adamı kapıtaldyń damýyna baǵyttalǵan saıasatty bekitý Qazaqstandy álemdik sahnada aldyńǵy qatarǵa shyǵýǵa jáne damyǵan elder arasynda óz ornyn alýǵa múmkindik beredi.

Ǵylymnyń damýy tehnologııalyq progreske qýatty serpin berip, jańa naryqtar qalyptastyrady, kapıtal tartady, sáıkesinshe halyqtyń jalpy ál-aýqatyn arttyrady.

Sonymen qatar, bul memleket únemi adamdarǵa ınvestıtsııa salýdy, ǵylymdy jáne bilim berý júıesin damytýǵa nıetti ekenin kórsetedi. Sonyń arqasynda ulttyń sapasy da únemi jaqsaryp otyrady.

Buǵan qosa, memleket tarapynan adamı kapıtaldy, ǵylym men ınnovatsııalar salasyn damytýǵa degen nıet Konstıtýtsııanyń basqa baptarymen de bekitilgen. Mysaly, jańa Konstıtýtsııa zııatkerlik menshik quqyqtaryn qorǵaıdy, bul halyqaralyq quqyq qoldaný tájirıbesin júzege asyrý turǵysynan mańyzdy.

Sondaı-aq, ǵylymdy damytýǵa jáne ınnovatsııalyq rýhqa baǵyttalǵan basymdyqtar pálsapalyq turǵydan da belgili bir maǵynaǵa ıe ekenin aıta ketý kerek. Bul ulttyń jańa oń ózgeristerge daıyn ekenin jáne jekelegen elementterden bas tartýǵa nıetti ekenin bildiredi.

Aıta keteıik, Konstıtýtsııalyq reformalar jónindegi komıssııa Qazaqstan Respýblıkasynyń jańa Ata Zańynyń jobasyn jarııalady.