Bilim berý uıymdarynyń kitaphanalary zamanaýı tsıfrlyq sheshimderge kóship jatyr
ASTANA. KAZINFORM – Oqý-aǵartý mınıstrliginiń Respýblıkalyq ǵylymı-pedagogıkalyq kitaphanasy bilim berý uıymdarynyń kitaphanalyq qyzmetin jańǵyrtý, oqyrman mádenıetin damytý jáne aqparatqa qoljetimdilikti keńeıtý maqsatynda birqatar zamanaýı aqparattyq júıeni ázirlep, qoldanysqa engizip jatyr.
Bul tsıfrlyq platformalar kitaphana qoryn tıimdi basqarýǵa, oqyrmandarǵa sapaly qyzmet kórsetýge, elektrondy resýrstardy keńinen paıdalanýǵa jáne bilim berý úderisin qoldaýǵa baǵyttalǵan.
Sonymen qatar, júıeler bilim alýshylardyń oqý belsendiligin arttyrýǵa, taldaý men monıtorıng júrgizýge, kitap oqýdy nasıhattaýdyń jańa formattaryn damytýǵa múmkindik beredi.
Atalǵan aqparattyq sheshimder bilim berý uıymdary kitaphanalarynyń jumysyn birizdendirip, tsıfrlyq transformatsııa talaptaryna sáıkes zamanaýı qyzmet kórsetý modelin qalyptastyrýǵa yqpal etedi.
Aıta ketelik Almatyda taǵy eki kitaphana táýlik boıy ashyq bolatyny týraly jazǵan edik.
