Bilim berý uıymdaryndaǵy tamaqtaný nysandaryn baqylaý tásili ózgeredi
ASTANA. KAZINFORM - Mańǵystaý oblysyndaǵy oqýshylardyń jappaı ýlaný jaǵdaıy oqýshylardyń tamaqtanýyn uıymdastyrýdy memlekettik baqylaý tásilderin ózgertý qajettigin kórsetti.
DSM Sanıtarııalyq-epıdemıologııalyq baqylaý komıteti málimetinshe, sanıtarııalyq-epıdemıologııalyq talaptardy buzýǵa baılanysty problemalardy júıeli sheshý úshin komıtet bilim berý nysandaryn memlekettik baqylaýdyń jańa tásilderin ázirledi.
Olar balalar bolatyn nysandarǵa erekshe mártebe berýge, obektıvti baǵalaý úshin tekserýler týraly aldyn ala habarlamany alyp tastaýǵa, sondaı-aq nysandardy sanıtarııalyq-epıdemıologııalyq talaptarǵa sáıkes keltirý maqsatynda monıtorıngtik saparlardy engizýge baǵyttalǵan.
Qazir QR Kásipkerlik kodeksinde kózdelgen qoldanystaǵy normalar ýákiletti organdarǵa balalardyń barlyq bolý nysanyn memlekettik baqylaýmen tolyq qamtýdy qamtamasyz etýge múmkindik bermeıdi.
Buǵan deıin habarlanǵandaı, Memleket basshysynyń mektep ashanalarynda balalardy toptyq ýlaný faktileri boıynsha tapsyrmasynyń sheńberinde Bas prokýratýramen kelise otyryp, Mańǵystaý oblysynyń bilim berý mekemelerinde sanıtarııalyq-epıdemıologııalyq talaptardyń saqtalýyna jospardan tys tekserý júrgizilip jatyr.
- Óńirde tekserý úshin barlyǵy 72 nysan aıqyndaldy, búginde 14 mektep as blogy tekserýmen qamtyldy. Ýlaný jaǵdaılaryn tergep-tekserý jáne mekteptegi tamaqtanýdyń qaýipsizdigin qamtamasyz etý maqsatynda múddeli organdardyń ókilderinen turatyn vedomstvoaralyq jumys toby quryldy. Bizdiń taraptan vedomstvoaralyq jumys tobynyń quramyna Aqtóbe, Jambyl, Qostanaı oblystarynyń, Almaty qalasynyń sanıtarııalyq-epıdemıologııalyq baqylaý departamentterinen jáne QR DSM «Qoǵamdyq densaýlyq saqtaý ulttyq ortalyǵy» ShJQ RMK sanıtarııalyq-epıdemıologııalyq saraptama jáne monıtorıng ǵylymı-praktıkalyq ortalyǵynan 7 maman engizildi, - delingen komıtet habarlamasynda.
Buǵan deıin mınıstrlik Mańǵystaý oblysyndaǵy mektep ashanalaryn tekserip jatqanyn jazǵan bolatynbyz.
Densaýlyq saqtaý mınıstrligi Mańǵystaý oblysynyń Beıneý aýdanyndaǵy Manashy jalpy bilim beretin mektebiniń 12 oqýshysynyń arasynda tamaqtan bolǵan toptyq ınfektsııalyq aýrý faktisi boıynsha tekserý bastalǵanyn habarlady.