Bilim berý salasynda jasandy ıntellektini qoldanýdyń etıkalyq standarty bekitildi

ASTANA. KAZINFORM – Oqý-aǵartý mınıstrligi orta bilim berý salasynda jasandy ıntellektini qoldanýdyń etıkalyq standartyn bekitti. 

– Bilim berýdegi jahandyq ózgeristerdi, halyqaralyq tájirıbeni jáne elderdiń úzdik praktıkasyn eskere otyryp, Qazaqstan mektep protsesine jasandy ıntellekt elementterin kezeń-kezeńimen engizýdi bastaıdy. Bul qadam bizdiń bilim berý júıesiniń ereksheligin, mamandar pikirin jáne oqýshylardyń qajettiligin jan-jaqty eskere otyryp júzege asyrylady, - delingen mınıstrlik taratqan aqparatta. 

Mınıstrlik jasandy ıntellektini engizýdi eń aldymen «Tsıfrlyq saýattylyq» jáne «Informatıka» páninen bastamaq. 

– Osy baǵytta orta bilim berý júıesinde jasandy ıntellektini qoldanýdyń etıkalyq standarty bekitildi. Oqýshylar úshin Day of AI onlaın-kýrsy daıyndaldy, al pedagogter úshin biliktilikti arttyrý kýrsy ázirlendi. Sonymen birge AI-Kitap platformasyn kezeń-kezeńimen engizý qolǵa alyndy, - deıdi vedomstvodan. 

Aıta keteıik, birer kún buryn elimizde pedagogterge arnalǵan tegin jasandy ıntellekt kýrsy iske qosyldy.