Bilim berý salasyn memlekettik qarjylandyrýdyń qoldanystaǵy tártibi burmalanǵan - Prezıdent
QYZYLORDA. KAZINFORM – Bilim berý salasyn memlekettik qarjylandyrýdyń qoldanystaǵy tártibi burmalanǵan. Bul týraly Ulttyq quryltaıdyń V otyrysynda Memleket basshysy Qasym-Jomart Toqaev málimdedi.
- Sońǵy ýaqytta jekemenshik mektepterdi qarjylandyrý tetigine qatysty azamattardan maǵan joldanatyn ótinishter jıilep ketti. Jýyrda «Turkistan» gazetine bergen suhbatymda óz ustanymymdy bildirdim: bilim berý salasyn memlekettik qarjylandyrýdyń qoldanystaǵy tártibi burmalanǵan jáne ony shuǵyl túrde túzetý qajet. Jekemenshik mektepterge júrgizilgen aýdıttiń qorytyndysy boıynsha jan basyna shaqqandaǵy qarjylandyrý ádistemesiniń jetilmegendigi saldarynan bolǵan zańsyz jáne negizsiz shyǵyndarǵa baılanysty birqatar buzýshylyq anyqtaldy, - dedi Prezıdent.
Memleket basshysy Úkimettiń aldyna bilim berý salasyn memlekettik qarjylandyrý tetigin jedel reformalaý mindeti qoıylǵanyn eske saldy.
- Qarjylandyrýdyń naqty ólshemsharttaryn qalyptastyrý qajet. Bul rette orta bilim berý júıesin damytýdaǵy bıznestiń oń rólin eskerý mańyzdy, - dedi Qasym-Jomart Toqaev.
