Bilim berý ınfraqurylymyn qoldaý qorynyń qarajatyna taǵy 11 jańa mektep ashyldy

ASTANA. KAZINFORM — Elimizde 8 myńnan astam oqýshy ornyna arnalǵan 11 jańa mektep paıdalanýǵa berildi. Olardyń qurylysyn Bilim berý ınfraqurylymyn qoldaý qory qarjylandyrdy, dep habarlaıdy QR Oqý-aǵartý mınıstrliginiń baspasóz qyzmeti.

Qor 2023 jyly Memleket basshysynyń tapsyrmasymen qurylyp, sybaılas jemqorlardan keri qaıtarylǵan qarajat esebinen tolyqtyrylady. Onyń negizgi mindeti – úsh aýysymdy oqytýdy, apatty mektepter men oqýshy oryndarynyń tapshylyǵyn joıý, mektepterdi salý jáne rekonstrýktsııalaý.

Búgingi tańda qor esebinen 100 myń oryndyq 89 mekteptiń qurylysy qarjylandyryldy.

Sońǵy eki jylda 83 myń oqýshyǵa arnalǵan 74 mektep, onyń ishinde 11 bilim berý uıymy jańa oqý jyly qarsańynda ashyldy.

Budan bólek, 1-qyrkúıekke qaraı búkil el boıynsha 111 myń oqýshy ornyna arnalǵan 83 jańa mektep ashyldy: 57-si «Keleshek mektepteri» ulttyq jobasy aıasynda, 11-i Bilim berý ınfraqurylymyn qoldaý qory, 15-i ınvestıtsııa tartý esebinen salynǵan mektepter. Jyl sońyna deıin 140 myńǵa jýyq oryndy qamtamasyz etetin taǵy 111 mekteptiń qurylysyn aıaqtaý josparlanýda.

Aıta keteıik, elde 232 jańa mektep salynyp jatyr, bilim sapasy artyp keledi.