Blınov kýbogy: «Barys» alǵashqy oıynynda «Avangardpen» kezdesedi

ASTANA. KAZINFORM - Búgin elordalyq «Barys» komandasy Reseıdiń Omby qalasynda ótip jatqan shaıbaly hokkeıden Blınov kýbogynda alǵashqy oıynyn «Avangardqa» qarsy ótkizedi.

Kezdesý Qazaqstan ýaqytymen saǵat 18:30-de bastalady.

Bıyl otyzynshy márte jalaýyn kóteretin týrnır 20-26 tamyzda Omby qalasyndaǵy «G-Drive Arena» sport kesheninde bolady. Oǵan elordalyq klýbtan ózge Reseıdiń «Avangard» (Omby) «Lokomotıv» (ıAroslavl), «Sıbır» (Novosibir) jáne «Traktor» (Chelıabi) komandalary qatysady.

Elordalyq klýbtyń bapkerleri atalǵan týrnırge qatysatyn komanda quramyn jarııalady.

Oıynshylar tizimi tómendegishe:

Qaqpashylar: ıÝhan Mattsson, Vladımır Nıkıtın, Artem Shestakov.

Qorǵaýshylar: Natan Bole, Ýıll Býtcher, Nıkıta Volosenkov, Aslan Júsipbekov, Nıkıta Kamalov, Haqnazar Keńesbaı, Artem Korolev, Kırıll Nıkıtın, Gleb Reshetko, Abylaıhan Súleımenov.

Shabýylshylar: Danııl Apalkov, Oleg Boıko, Andreı Býıalskıı, Damır Jafıarov, Vsevolod Logvın, Vladıslav Kodola, Nıkıta Kolobov, Maıkl Maklaýd, Álıhan Ómirbekov, Konnor Smıt, Egor Smolıanınov, Semen Sımonov, Asanálı Sarkenov, Ańsar Shaıhmeddenov, Ýeıd Ellıson.

Aıta ketsek, bıyl Devıd Nemırovskı «Barys» hokkeı klýbynyń bas bapkeri qyzmetine taǵaıyndaldy.