Blınken Túrkııanyń Syrtqy ister mınıstrimen kezdesti
Taıaý Shyǵysqa sapary aıasynda AQSh Memlekettik hatshysy Entonı Blınken Ankaraǵa kelip, Túrkııa Syrtqy ister mınıstri Hakan Fıdanmen kezdesti. Kelissózder jabyq esik jaǵdaıynda ótti, dep habarlaıdy Kazinform VVS jańalyqtaryna silteme jasap.
Onyń Túrkııaǵa sapary eldegi antıamerıkalyq kóńil-kúıdiń kúsheıýi aıasynda boldy. Jeksenbi kúni polıtsııa AQSh áskeri ornalasqan avıabazaǵa kirýge árekettengen palestınalyq sherýshiler tobyn toqtatýǵa májbúr boldy.
Túrkııa prezıdenti Rejep Taıyp Erdoǵan Gazadaǵy qantógisti toqtatyp, palestınalyqtardy Izraıldiń «qysymynan» qutqarýdy óz eliniń mindeti dep atady.
Soǵys bastalǵannan keıin Izraıl men Túrkııa arasyndaǵy baılanys nasharlap, eki el de dıplomattaryn qaıtaryp aldy. Erdoǵan Izraıl premer-mınıstri Bınıamın Netanıahýdy «esepten shyǵaratynyn», biraq Túrkııanyń Izraılmen baılanysyn úzgisi kelmeıtinin aıtty.
Blınken buǵan deıin Izraılge baryp, gýmanıtarlyq kómek jetkizýdi jeńildetý úshin Gaza sektoryndaǵy áskerı áreketterdi ýaqytsha toqtatýdy surady. Odan keıin Batys jaǵalaý, Iordanııa jáne Irak basshylarymen, mınıstrlerimen kezdesýler ótkizdi.
