Blind fýtboldan Qazaqstan ulttyq quramasy tarıhı jeńiske jetti
ASTANA. KAZINFORM - AQSh-tyń Sıetl qalasynda Vlind fýtboldan (kórý qabileti buzylǵan jandar arasyndaǵy) halyqaralyq týrnır ótti. Týrnırge AQSh, Perý jáne Qazaqstan ulttyq quramalary qatysty.
Qazaqstan fýtbol federatsııasy baspasóz qyzmetiniń habarlaýynsha ulttyq qurama alǵashqy oıynda AQSh quramasymen 0:0 esebimen teń tústi. Al sheshýshi oıynda Ońtústik Amerıkanyń myqty quramalaryna qarsy sátti óner kórsetip júrgen tájirıbeli Perý komandasyn 1:0 esebimen jeńdi.
Matchtaǵy jalǵyz jeńis golyn Bolat Janymhan soqty. Sondaı-aq ulttyq quramanyń qaqpashysy birneshe qaýipti sátte komandasyn qutqaryp, tarıhı jeńiske úlken úles qosty.
-Bul - Qazaqstannyń Vlind fýtbol tarıhyndaǵy alǵashqy halyqaralyq trofeı. Jeńis qutty bolsyn!,-delingen habarlamada.
Osyǵan deıin fýtboldan Qazaqstan kýbogynyń jartylaı fınaly qashan ótetinin jazdyq.
