Blatter, Valke jáne Kattner FIFA-ǵa 80 mln. dollarǵa shyǵyn keltirgen
ASTANA. QazAqparat - Halyqaralyq fýtbol federatsııasy burynǵy úsh top-menedjerdiń keltirgen shyǵynyn 80 mln. dollarǵa baǵalady, dep habarlady VVS agenttigi.
Federatsııanyń juma kúni jarııalanǵan málimdemesinde úsh sheneýnik jyl saıyn óz jalaqylaryn kóbeıtip, Álem chempıonattaryn ótkizgeni úshin ózderine syıaqy jazdyryp kelgeni aıtylǵan.
Bul úsh sheneýnik - Zepp Blatter, jumystan shettetilgen bas hatshy Jerom Valke jáne bas hatshynyń jumystan shyǵarylǵan orynbasary Markýs Kattnerge qatysty, delingen habarlamada.
Olardyń sońǵy bes jylda FIFA-daǵy áreketterinen bolǵan shyǵyn 80 mln. dollarǵa baǵalanyp otyr.
