Blatter Reseıge ÁCh-2018 ótkizý quqyǵy jasyryn kelisim arqyly berilgenin aıtty
ASTANA. QazAqparat - 2018 jyly fýtboldan álem chempıonatyn ótkizý quqyǵy Reseıge FIFA-nyń joǵary basshylarynyń arasynda jasalyp, saılaý qorytyndylaryn burmalaý negizinde berilgen. Bul týraly The Financial Times-qa bergen suhbatynda fýtbol salasynda jumystan shettetilgen FIFA basshysy Iozef Blatter baıandap berdi, dep jazady RBK.
«Aýyzsha túrde kelisilgen bul sheshim boıynsha daýys berýde eki uly derjava - Reseı men AQSh-ty tańdaıtynymyz shamalanǵan edi», - dedi Blatter.
Reseı aqyry 2018 jyly fýtboldan álem chempıonatyn ótkizý quqyǵyn ıelendi, al AQSh mýndıaldi 2022 jyly ótkizgisi kelgen, biraq daýys berý barysynda chempıonatty ótkizý quqyǵyna Katar ıe boldy.
«Bul kelisim týraly sheshimdi shyǵarýǵa FIFA atqarýshy komıtetiniń barlyq músheleri qatysty ma degen suraqqa Blatter ol atqarýshy komıtettiń sheshimi emes dep jaýap berdi. «Bul eshqandaı keńes ótkizýsiz shyǵarylǵan sheshim», - dedi ol.
Blatterdiń aıtýynsha, ÝEFA basshysy Mıshel Platını 2022 jylǵy álem chempıonatynyń ıesin anyqtaý boıynsha daýys berýde Katardy tańdaǵanda, bul Amerıkanyń narazylyǵyn týdyrǵan. Buǵan deıin Blatter álem chempıonatyn ótkizý quqyǵynan aıyrylǵan elderdiń «FIFA-ny qulatý naýqanyna qosylǵanyn» málimdegen.
