Blatter men Platını fýtboldan 8 jylǵa shettetildi
ASTANA. QazAqparat - FIFA prezıdenti Zepp Blatter men ÝEFA basshysy Mıshel Platını árqaısysy 8 jylǵa fýtbolmen shuǵyldanýdan shettetildi, dep habarlady AFP. Mundaı sheshimdi FIFA-nyń etıka jónindegi komıssııasy qabyldady.
Qazan aıynyń basynda atalǵan ekeýi de sybaılas jemqorlyqqa jol berdi degen kúdikpen 90 kúnge qyzmetterinen shettetilgen bolatyn. Qarasha aıynyń sońynda Blatter men Platınıge qatysty tergeý bastalǵan. Ekeýi de ómir boıyna dıskvalıfıkatsııalanýy múmkin ekendigi habarlanǵan. Eske salsaq, FIFA-nyń jańa basshysyn saılaý 2016 jylǵy 26 aqpanda ótedi. Komıssııa sheshimi Platınıdiń bul saılaýǵa qatysa almaıtynyn bildiredi.
