Blatter ÁCh-ǵa qatysatyn 32 komandaǵa sáttilik tiledi
ASTANA. QazAqparat - Halyqaralyq fýtbol federatsııasynyń prezıdenti Iozef Blatter Brazılııa ótetin ÁCh fınaldyq týrnırine qatysatyn 32 komandaǵa sáttilik tiledi, dep jazady sheteldik BAQ.
Fýtboldan HH ÁCh sanaýly sátterden soń bastalady. San-Paýlý qalasynda ótetin tusaý keser oıynda A tobyndaǵy alań ıeleri Brazılııa quramasy Horvatııamen kezdesedi. Álem birinshiligi shildeniń 13-ne deıin jalǵasatyn bolady.
"Búgin Brazılııa jáne Horvatııa komandalary ÁCh shymyldyǵyn ashady. Barlyq 32 komandaǵa sáttilik tileımin. Brazılııaǵa qoldaý bildirgeni alǵysym sheksiz. Men týrnırdiń bastalýyn taǵatsyzdana kútýdemin", - dep jazdy Blatter óziniń tvıtterdegi paraqshasyna.
