Blatter 2022 jylǵy Álem chempıonatyn Katarda ótkizý teris sheshim ekenin aıtty

Blatter Katar uıymdastyrýshy komıtetiniń málimdemesinde jaz mezgilinde elde óte ystyq bolatyny jazylǵanyn, alaıda FIFA atqarýshy komıteti 2010 jyly 10 jeltoqsanda Tsıýrıhte týrnırdiń osy elde ótýi úshin daýys bergenin atap ótti.

- Bul - burys sheshim, - dedi Blatter. - Alaıda ómirde mundaı jaǵdaılar bolyp turady.

Esterińizge sala keteıik, fýtbol mamandary chempıonat uıymdastyrý merzimin 2022 jyldyń maýsym-shilde aılarynan 2022 jyldyń qysyna nemese 2023 jylǵa shegerýdi usyndy. Alaıda Halyqaralyq olımpıada komıtetiniń ókilderi fýtbol mýndıaliniń qysta ótýine qarsy. Olar osy kezde ótetin Olımpıada oıyndarynyń televızııalyq reıtıngisin joǵaltqysy kelmeıdi.

Álem chempıonatyn qysqa aýystyrýǵa Eýropa kásibı fýtbol lıgalarynyń qaýymdastyǵy da qarsy shyqty. Sebebi 2022 jylǵy chempıonatty qys mezgilinde ótkizse, ulttyq chempıonattarda 8 aptalyq úzilis jasaýǵa týra keledi. Maýsym ortasyndaǵy mundaı úzilis klýbtar men olardyń demeýshileriniń qarjy jaǵdaıyna keri áserin tıgizedi.

FIFA-nyń arnaıy komıssııasy búginde túrli sheshimderdi qarastyrýda. Bul másele 2015 jyldyń naýryzyna deıin sheshiledi dep kútilýde.