BQO joldarynda bıyl 37 adam kóz jumdy
ORAL. QazAqparat - Bıylǵy jeti aıda oblys joldarynda 37 adam kóz jumdy. Bul týraly oblys ákiminiń mindetin atqarýshy Arman Óteǵulovtyń qatysýymen ótken jol qozǵalysynyń qaýipsizdigi máselelerine arnalǵan zańdylyqty, quqyqtyq tártipti jáne qylmyspen kúresti qamtamasyz etý jónindegi oblystyq úılestirý keńesiniń otyrysynda aıtyldy, dep habarlaıdy «QazAqparat» tilshisi.
Oblys prokýrorynyń mindetin atqarýshy Tájıden Naımanovtyń atap ótkenindeı, óńir joldaryndaǵy apat deńgeıiniń joǵarylyǵy ózekti de ótkir máselelerdiń biri bolyp qalyp otyr. Jyl saıyn joldarda júzge deıin adam qaza tabady, jaraqat alatyndar odan da kóp. Prokýratýra bul máseleni birinshi ret kóterip otyrǵan joq. 2015-2016 jyldary barlyq memlekettik organdardyń, jolaýshy tasymaldaýmen aınalysatyn kásiporyndardyń, avtomektepterdiń qyzmetine qatysty keń aýqymdy prokýrorlyq tekserýler júrgizilip, joldarda birlesken reıdter uıymdastyryldy. Kóptegen zańbuzýshylyqtar men kemshilikterdiń beti ashylyp, sol boıynsha 2016 jyldyń sáýirinde oblys prokýratýrasynyń alqa májilisinde arnaıy másele qaralyp, memlekettik organdarǵa naqty tapsyrmalar men usynbalar berildi. Sonyń nátıjesinde 2016 jyldyń qorytyndysy boıynsha sońǵy jyldar ishinde alǵash ret jol-kólik oqıǵalary men odan jaraqat alǵandardyń sany azaıdy. Bıylǵy alty aıda jol-kólik oqıǵalary 19, odan mert bolǵandar sany 40 paıyzǵa kemidi. Alaıda jaǵdaı túbegeıli jaqsardy dep aıtý qıyn. Jol apattary jóninen BQO boıynsha derekter respýblıkalyq orta kórsetkishten joǵary, bylaısha aıtqanda, óńir altynshy orynda tur.
Oblys prokýratýrasynyń basqarma bastyǵy Jannur Ahmetbektiń sózine qaraǵanda, jol-kólik oqıǵalarynyń bolýyna joldyń nasharlyǵy, kólik júıesiniń talapqa saı damymaýy, jol qozǵalysyna qatysýshylar mádenıetiniń tómendigi, jolaýshy tasymaldaýdyń durys uıymdastyrylmaýy, zańsyz tasymaldaýshylar qyzmeti, memlekettik organdar men uıymdar jumysynyń jetkiliksizdigi áser etýde. Mysaly, BQO-da joldy kútýdiń keshendi kórsetkishi respýblıkalyq mańyzy bar joldarda 78, oblystyq joldarda 34 paıyz ǵana bolyp otyr. ıAǵnı jol kútimine jetkilikti qarjy bólinbeıdi. Jyl saıyn oblys joldaryn aǵymdaǵy jóndeý men kútip ustaýǵa normatıv boıynsha 4 mlrd. teńgeniń ornyna 400 mln. teńge (13 paıyz) bólinedi. Respýblıkalyq joldar boıynsha da talap saqtalmaıdy. Jetkilikti qarjy bólinbeýi saldarynan respýblıkalyq joldarda 366, oblystyq joldarda 301 qaýipti ýchaskeler paıda boldy. Munyń sońy qaıǵyly oqıǵalarǵa soqtyrýda. 
Aıtalyq, bıylǵy 2 maýsymda Podstepnyı-Fedorov-RF shekarasynyń 77-shaqyrymynda qos avtokólik soqtyǵysyp, 4 adam qaza taýyp, 9-y túrli jaraqat aldy. Oblystyq ishki ister departamenti bul aranyń qaýiptiligi jóninde 2016 jyldyń kókteminde qatynashat túsirgen bolatyn. Áıtse de jóndeý jumystary Podstepnyı aýylynan ári qaraı bıylǵy mamyrda ǵana bastalyp, atalǵan ýchaskege jetken joq.
Taǵy bir atap ótetin jaıt, jol-kólik oqıǵalarynyń 90 paıyzdan astamy júrgizýshilerdiń kinásinen jasalady. Júrgizýshiler rýlge mas kúıinde otyrady, beldik taǵynbaıdy nemese telefonmen sóılesedi. Júrgizýshilerdiń jaýapsyzdyǵynan bıylǵy alty aıda avtobýs dóńgeleginiń astyna túsip, qaza bolǵandar sany ótken jyldy tutastaı alǵandaǵydan úsh esege kóbeıip ketip otyr. Muny tek polıtsııanyń kúshimen sheshý qıyn, júıeli sharalar kerek. Mysaly, Oralda jolaýshylar kóligi qozǵalysynyń sulbasy 15 jyldan astam ýaqyt boıy ózgermegen. Jolaýshylardy zańsyz tasymaldaýshylardyń kóbeıýi de otqa maı quıa túsýde.
Osy derekterdi eskere otyryp, otyrysta «Qaýipsiz jol» jobasy tanystyryldy. Ol 2018 jyldyń aıaǵyna deıin júzege asyrylýy tıis 30 naqty sharadan turady. Úılestirý keńesi maquldaǵan atalmysh joba bekitý úshin oblys ákimine joldanatyn boldy.
