BQO joldarynyń sapasyn teksergen kezde 250-den astam aqaý anyqtaldy

ORAL. KAZINFORM – «Jol aktıvteriniń ulttyq sapa ortalyǵy» RMK BQO fılıaly jyl basynan beri Batys Qazaqstan oblysynda salynyp jatqan joldardyń sapasyn tekserdi.

Fılıal dırektory Rafıs Zınetovtiń Kazinform tilshisine málim etkenindeı, mamandar bıylǵy toǵyz aıda 418 ret jolǵa shyqty.

Rafıs Radıkulynyń sózine qaraǵanda, jol-qurylys materıaldarynan 1 352 synama alynyp, sonyń 404-i normatıvtik qujat talaptaryna sáıkes kelmedi. 

- Oǵan qosa 252 aqaýlyq anyqtalyp, eskertý jasaldy. Qazirgi kezde sonyń 228-i joıylǵan joq, jumys ústinde. Jalpy, oblys joldarynda 80 joba júzege asyrylýda. Solardyń bárinde mamandar bolyp, tekserýler júrgizdi. Aqaýlyqtar boıynsha qatynas hatty tapsyrys berýshilerge jiberemiz. Olar tıisti shara qoldanady, – dedi R.Zınetov.

Onyń aıtýynsha, «Jol aktıvteriniń ulttyq sapa ortalyǵy» RMK bıyl sondaı-aq Batys Qazaqstan oblysynyń Aqjaıyq, Báıterek, Tasqala, Shyńǵyrlaý jáne Bókeı ordasy aýdandarynda 1 400-den astam shaqyrym joldyń qujattandyrý jumystaryn atqardy.

Eske sala keteıik, budan buryn BQO-da tenderdi jeńip alǵan depýtattyń kompanııasy jol salmaı otyrǵanyn jazǵan edik.