BQO: «Jarqyn bolashaq» úzdikteri respýblıkalyq kezeńge joldama aldy (FOTO)

ORAL. QazAqparat - Qazaqstan táýelsizdiginiń 25 jyldyǵyna arnalǵan VІІІ respýblıkalyq «Jarqyn bolashaq» qazaq tili olımpıadasynyń oblystyq kezeńi qorytyndylanyp, úzdikter aqpan aıynyń sońynda Atyraý qalasynda ótetin respýblıkalyq baıqaýǵa joldama aldy.

Oblystyq bilim basqarmasy basshysynyń orynbasary Záýre Ǵumarovanyń aıtýynsha, «KATEV» halyqaralyq qoǵamdyq qorynyń qoldaýymen bıyl segizinshi ret uıymdastyrylyp otyrǵan baıqaý negizinen ózge ult ókilderi balalary arasynda memlekettik tildi nasıhattaýdy kózdeıdi. Olımpıada jeńimpazdaryn oblys ákiminiń birinshi orynbasary Arman Óteǵulov, Qazaqstan Jazýshylar odaǵy BQO fılıalynyń tóraıymy, aqyn Aqushtap Baqtygereeva quttyqtap, olarǵa bilim basqarmasy atynan dıplomdar men tartý-taralǵylar tabys etildi.

Respýblıkalyq kezeńde oblystyq saıysta «Ánshi bulbuldar» baǵyty boıynsha úzdik shyqqan Tasqala aýdany «Sáýlet» mektep-gımnazııasynan kelgen Álıhan Qabdilmanov, ózge ult ókilderi arasynan jańaqalalyq, Á.Jangeldın atyndaǵy mektepten Sıǵvatolla Eshkaev, «Sóz sheberlerinen» birinshi oryndy ıelengen taǵy bir jańaqalalyq Isa Muratov pen oblystyq daryndy balalarǵa arnalǵan qazaq-túrik mamandandyrylǵan mektep-lıtseıinen Adam Petrı, «Jazýshylardan» jeńimpaz atanǵan oraldyqtar, №42 «Aq nıet» gımnazııasynan Arýjan Іzteleýova men qazaq-túrik lıtseıinen Ozdemır Osman, «Tilshi-ádebıetshilerden» ozǵan syrymdyq Torǵyn Jonısova men Oraldaǵy №28 mektepten Vıktorııa Chıkıbaeva, «Jas ǵalymdardan» top jarǵan taǵy bir oraldyq, №38 mektep-lıtseıden Aıdarbek Tólegenov pen qaztalovtyq, Ǵ.Moldashev atyndaǵy mektepten Natasha Farıt synǵa túspekshi.