BQO: Jańaqala aýdanynda 8 otbasy úıli boldy
ORAL. KAZINFORM - Batys Qazaqstan oblysy Jańaqala aýdanynda 8 otbasy baspanaly boldy.
"27 qyrkúıek kúni Jańaqala aýdanynyń Jańaqazan aýyly jáne Muqyr eldi mekeninde áleýmettik osal top sanatyndaǵy kezekte turǵan 8 otbasyǵa jańa úıdiń kilti tabystaldy. Atalmysh sharaǵa oblys ákiminiń orynbasary T.Kaıýpov kelip, turǵyn úı ıelerin jańa qonystarymen quttyqtaı otyryp, jyly lebizin bildirdi" delingen habarlamada.
Jańa úıler «Turǵyn úı kommýnaldyq ınfraqurylymdy damytýdyń 2023-2029 jyldarǵa arnalǵan tujyrymdamasyna» sáıkes salynǵan bolatyn.
Jańaqazandaǵy 80 sharshy metrdi quraıtyn 4 páterdiń quny 77,48 mln teńge. Ol «Samuryq – Qazyna ulttyq ál-aýqat qory» arqyly satyp alynsa, quny 35,9 mln. teńge quraıtyn 2 páter respýblıkalyq bıýdjetten satyp alyndy.
Sondaı-aq, Muqyr eldi mekenindegi 2 páter «Samuryq – Qazyna ulttyq ál-aýqat qory» arqyly 38,74 mln. teńgege satyp alyndy.
