BQO: Zelenov aýdanynyń ataýy Báıterek bolyp ózgerdi
ORAL. QazAqparat - Batys Qazaqstan oblysyndaǵy Zelenov aýdanynyń ataýy Báıterek bolyp ózgerdi, dep habarlaıdy QazAqparat tilshisi.
QR Úkimetiniń 2018 jylǵy 21 jeltoqsandaǵy №855 qaýlysyna sáıkes BQO-daǵy Zelenov aýdany Báıterek aýdany bolyp qaıta atalatyn boldy.
Osyǵan oraı búgin oblys ákimi Altaı Kólginov aýdanda bolyp, ardagerler, jastar jáne zııaly qaýym ókilderimen kezdesip, jurtshylyqty qýanyshty oqıǵamen quttyqtady.
Óńir basshysy Elbasy tapsyrmalaryna oraı oblysta kóptegen jumystar jasalǵanyn atap ótti. Sonyń ishinde aýdannyń ústimen ótetin Oral-Tasqala-RF shekarasy joly paıdalanýǵa berildi. Jol salý, sý, gaz qubyryn tartý jumystary bıyl da jalǵasady.
