BQO ıývenaldyq soty karantınge jabyldy

ORAL. QazAqparat – BQO kámeletke tolmaǵandar isteri jónindegi mamandandyrylǵan aýdanaralyq sotynda jumys jasaıtyn úsh adamnan koronavırýs anyqtaldy, dep habarlaıdy QazAqparat tilshisi.

BQO sanıtarlyq-epıdemıologııalyq baqylaý departamenti málim etkenindeı, aýyrǵandarmen qarym-qatynasta bolǵan mamandardan PTR ádisimen COVID-19 test alyndy, synama tekserilýde.

Koronavırýs juqpasy anyqtalǵan jumys ornyna qorytyndy dezınfektsııa jasalyp, ınkýbatsııalyq kezeń aıaqtalǵanǵa deıin karantınge jabyldy.

Іndet bastalǵannan beri oblysta 12622 adam dertke shaldyǵyp, sonyń 10212-si jazylyp shyqty.

BQO sotynyń baspasóz qyzmeti de ıývenaldyq sotqa 22 aqpannan bastap 2 naýryzǵa deıin karantındik sharalar engizilgenin habarlady.

Osy merzimde ıývenaldyq sottyń jumysy tolyǵymen toqtatylady. Oǵan SES qyzmetkerlerinen basqa adamdardyń bárine kelýge tyıym salynady. Osy kezeńge qaraýǵa taǵaıyndalǵan ister keıinge qaldyryldy, olardyń kúni men ýaqyty qatysýshylarǵa qosymsha habarlanady.

ıÝvenaldyq sot karantındik sharalardan keıin óz jumysyn qaıta jalǵastyratyn bolady.

Eske sala keteıik, budan buryn BQO-da medıtsına qyzmetkerlerin koronavırýsqa qarsy ekinshi qaıtara egý bastalǵanyn jazǵan bolatynbyz.