BQO ustazdary Astananyń ataýyn ózgertý týraly tarıhı sheshimdi qoldaıdy
«Ol eldi qıyn-qystaý kezeńderde neshe túrli tyǵyryqtar men syn-tegeýrinderden alyp shyqty. Óziniń sarabdal saıasaty men adamı qasıetteri, tulǵalyq sheberliginiń arqasynda eldiń tutastyǵyn saqtap qaldy jáne kóshbasshylyq bolmysymen búgingi kúni Qazaqstandy álemge tanytty»,-deıdi oqytý-ádistemelik kabınetiniń ujymy.
Elimiz tynysh, jurtymyz aman bolyp, jyldan-jylǵa qaı salada bolsa da damý ústindemiz. Bolashaqqa degen senimimiz nyq bolyp, alǵa aıqyn maqsattar qoıyldy. Ásirese bilim salasyndaǵy ózgerister - óskeleń urpaqtyń bolashaǵy úshin jasalǵan Elbasynyń bolashaqty boljaýdaǵy kóregendigi!
Qazaq eliniń álemdegi órkenıetti elderdiń qatarynda bolyp, qazaq halqynyń bilimdi, ozyq oıly, ǵylymdy meńgergen ult bolýy úshin strategııalyq baǵdarlamalar usynyp, olardyń júzege asyrylý joldaryn naqtylap berdi. Urpaq tárbıesinde ulttyq qundylyqtarymyzdy saqtaýdyń mańyzyn nazardan tys qaldyrmady. Qazaqstan halqynyń ál-aýqatynyń ósýi, tabys pen turmys sapasynyń artýyna árqashan kóńil bólgen Elbasy halyqpen birtutastyǵyn kórsetip, eldiń qamyn oılaǵan azamattyǵyn aıqyndaıdy.
«Qazaqstannyń kemel keleshegine, berik bolashaǵyna sengen Elbasynyń Astana qalasynyń salynýyna sińirgen eńbegi ushan-teńiz! Sondyqtan da, elin súıgen Elbasy Nursultan Nazarbaevtyń Qazaqstanǵa, qazaq eline, urpaq bolashaǵyna sińirgen eńbegine qurmet kórsetýdiń úlgisi retinde Astana qalasynyń ataýyn Nur-Sultan dep aýystyrý týraly sheshimdi Batys Qazaqstan oblysynyń barlyq ustazdary qoldaıdy!»,-degen oılaryn ortaǵa saldy ustazdar qaýymy.
