BQO turǵynynyń mal qorasynan 42 dana kıik múıizi tabyldy
ORAL. QazAqparat – Batys Qazaqstan oblysynda turǵynnyń mal qorasynan 42 dana kıik múıizi tabyldy, dep habarlaıdy QazAqparat tilshisi.
«Ohotzooprom» ÓB» RMQK-dan túsken málimetke qaraǵanda, atalmysh derek keń aýqymdy «Kıik» is-sharasyn ótkizý barysynda anyqtaldy.
«Ohotzooprom» ınspektorlary Jánibek aýdandyq polıtsııa bólimi qyzmetkerlerimen birlesip júrgizgen reıdtik is-sharalar kezinde 13 jeltoqsan kúni saǵat 21.25-te Jánibek aýdany Kúıgenkól aýylynda turatyn turǵynnyń mal qorasynan 42 dana kıik múıizi shyqty.
Tabylǵan múıizder sot-bıologııalyq saraptamaǵa jiberildi.
Qazirgi kezde QR QK 339-baby 1-bóligine sáıkes qylmystyq is qozǵalyp, tergeý amaldary júrgizilýde.
Eske sala keteıik, budan buryn Batys Qazaqstanda kıikti qorǵaý sharalary kúsheıtilgenin jazǵan bolatynbyz.
