BQO turǵynynan esirtki, tirkelmegen myltyq jáne oq-dári tabyldy
ORAL. QazAqparat – Batys Qazaqstan oblysy turǵynynan esirtki, tirkelmegen myltyq jáne oq-dári tabyldy, dep habarlaıdy QazAqparat tilshisi.
Shyńǵyrlaý aýdany polıtsııa bóliminiń bastyǵy Sergeı Astafevtiń málim etkenindeı, atalǵan qylmys «Qarý» jedel aldyn alý sharasy barysynda ashyldy.
B. degen turǵynnyń mekenjaıynan sanktsııalanǵan tintý júrgizilip, tirkelmegen 16 kalıbrli tegis uńǵyly ańshy myltyǵy, 73 dana oq-dári jáne basqa oq-dári jasaýǵa arnalǵan ydys-zattar tabyldy.
«Mekenjaıdan myltyq pen oq-dáriden basqa saraptama qorytyndysyna sáıkes 16,47 gramm keptirilgen marıhýana shyqty», dedi S.Astafev.
Osy oqıǵa boıynsha QR QK 287-baby 3-bóligine jáne QR QK 296-baby 2-bóligine sáıkes sotqa deıingi tergeý amaldary júrgizilýde.
