BQO turǵynynan 1 tonnadan astam alkogol ónimi tárkilendi

ASTANA. QazAqparat – BQO polıtsııa departamenti uıymdasqan qylmysqa qarsy kúres basqarmasynyń qyzmetkerleri «Naıza» respýblıkalyq jedel aldyn alý is-sharasy aıasynda 500-den astam temeki blogi men 1 tonnadan astam alkogol ónimin tárkiledi, dep habarlaıdy QazAqparat tilshisi.

BQO polıtsııa departamentiniń baspasóz qyzmetinen málim etkenindeı, kontrabandany, alkogol men temeki ónimderiniń zańsyz aınalymyn anyqtaýǵa jáne jolyn kesýge baǵyttalǵan is-shara barysynda atalǵan basqarma BQO ekonomıkalyq tergeý departamenti qyzmetkerlerimen birge Oral qalasynyń eki turǵynynan 513 blok aktsızsiz temeki buıymdaryn tárkiledi.

«Sondaı-aq 33 jastaǵy turǵyn aıdap kele jatqan «Gazon» júk kóligin toqtatyp, teksergen kezde bes lıtrlik bótelkelerge quıylǵan 1 tonna aktsızsiz alkogol ónimi tabyldy. Oǵan qosa 36 jastaǵy turǵynnan 0,5 lıtrlik 137 plastıkalyq bótelkedegi aktsızsiz alkogol shyqty. Qazirgi kezde barlyq derekter boıynsha tergeý amaldary júrgizilýde», dep habarlady vedomstvodan.

Eske sala keteıik, budan buryn BQO-da dárigerler jol apatynan jaraqat alǵan 5 adamnyń jaǵdaıy týraly aıtqanyn jazǵan bolatynbyz.

Foto: BQO polıtsııa departamenti