BQO turǵyny jas jigitti pyshaqtap óltirdi
BQO polıtsııa departamentiniń baspasóz qyzmetinen málim etkenindeı, qaıǵyly oqıǵa 26 qazan kúni Aqjaıyq aýdany ortalyǵy Chapaev aýylynda boldy.
«Túngi saǵat 01.00-de 51 jastaǵy turǵyn H.Esenjanov kóshesindegi turǵyn úıdiń aýlasynda aıaq astynan 1996 jylǵy jigitpen sózge kelgen. Sodan keıin onyń júrek tusyna pyshaq suqqan. Sonyń saldarynan 26 jastaǵy turǵyn aýdandyq ortalyq aýrýhanaǵa jetpesten qaıtys boldy. Múrde Oral qalasyndaǵy máıithanaǵa sot-medıtsınalyq saraptamaǵa jiberildi. Qazirgi kezde QR QK 99-baby 1-bóligine (kisi óltirý) sáıkes sotqa deıingi tergeý amaldary júrgizilýde», dep habarlady vedomstvodan.
Eske sala keteıik, budan buryn Batys Qazaqstanda uly ákesin uryp óltirgenin jazǵan bolatynbyz.
Sondaı-aq Batys Qazaqstanda avtokólik aýdarylyp, 18 jastaǵy eki jigit kóz jumdy.