BQO turǵyny polıtsııaǵa para bergeni úshin ustaldy

ORAL. QazAqparat - Batys Qazaqstan oblysynda Báıterek aýdany turǵyny polıtsııaǵa para bergeni úshin ustaldy, dep habarlaıdy QazAqparat tilshisi.

BQO polıtsııa departamentiniń resmı ókili Bolatbek Nurǵojınniń málim etkenindeı, Darııan aýylynda P. degen kúdiktige jalǵan qujattar daıyndamaq bolǵany úshin aıyp taǵylǵan.

QR QK 385-baby 3-bóligine sáıkes qylmystyq jaýapkershilikke tartylmaý úshin atalmysh turǵyn Prıýral polıtsııa bólimi tergeý bóliminiń bastyǵyna kelip, 300 myń teńge jáne 50 AQSh dollary kóleminde para usynǵan.

«Atalǵan epızod polıtsııa qyzmetkerleriniń barlyq kabınetterinde ornatylǵan beınebaqylaý kameralarymen tirkelgen. Tergeý bóliminiń bastyǵy oqıǵa týraly dereý baıanat jazyp, para berýshini ustady. Oǵan qatysty QR QK 367-babyna (para berý) sáıkes sotqa deıingi tergeý amaldary júrgizilýde», - dedi B.Nurǵojın.

Eske sala keteıik, budan buryn BQO-da júk kóligi qaǵyp ketken jaıaý júrginshiniń kóz jumǵanyn jazǵan bolatynbyz.