BQO turǵyny ózbekstandyqtardy zańsyz túrde Reseıge ótkizgeni úshin sottaldy
ORAL. QazAqparat - Batys Qazaqstan oblysynyń turǵyny Ózbekstan azamattaryn zańsyz túrde Reseı shekarasynan ótkizgeni úshin sottaldy, dep habarlaıdy «QazAqparat» HAA.
Oral qalalyq sotynyń sheshimimen Ózbekstan azamattaryn Reseıge zańsyz ótkizý isin uıymdastyrǵan I.Shvedıýk QR QK-niń 394 baby, 2 bólimi boıynsha kináli dep tabyldy jáne onyń 2 jylǵa bas bostandyǵy shekteldi. Shvedıýk bıylǵy jyldyń 18 sáýirinde belgisiz adamdarmen kelise otyryp, Ózbekstannyń 5 azamatyn Qazaqstan-Reseı shekarasyna deıin jetkizip tastaǵan. Budan soń Qazaqstan azamattary Remeshev pen Dıakonov Ózbekstandyqtardy Reseıdiń Orynbor oblysynyń 1 maı aýdanyna jetkizgen.
Alaıda olardyń barlyǵyn 19 sáýir kúni Reseı Federatsııasynyń Federaldy qaýipsizdik qyzmetiniń shekarashylary ustap alǵan. Sot úkim shyǵarý barysynda Shvedıýktiń orta deńgeıdegi qylmysty alǵash ret jasaǵandyǵyn eskerdi. Úkim kúshine endi.
