BQO turǵyny múlkin qaıtaryp almaq bolǵan aýyldasyn uryp óltirdi
BQO polıtsııa departamenti málim etkenindeı, oqıǵa Báıterek aýdany aýyldarynyń birinde boldy.
Departament bastyǵy, general-maıor Mahsudhan Ablazımovtyń sózine qaraǵanda, eki er adam tóbelesken. Sonyń barysynda 1995 jylǵy Sh. 1990 jylǵy T-ǵa aýyr dene jaraqatyn salǵan. Jábirlenýshi Oral qalasyndaǵy oblystyq kópbeıindi aýrýhanada kóz jumdy.
«Іstiń mán-jaıyn anyqtaý barysynda talastyń múlikti zańsyz ıemdenýden týyndaǵany belgili boldy. T. degen azamat Sh-ny taýyp, ózine tıesili múlikti qaıtarmaq bolǵan kezde bir-birimen sózge kelip, tóbelesken. Oqıǵa túngi saǵat 03.00-te boldy. Jábirlenýshiniń ústinen túsken ýchaskelik ınspektor sol boıda jedel járdem shaqyryp, kýágerlerden saýalnama júrgizip, kúdiktini anyqtaǵan», dedi M.Ablazımov.
Qazirgi kezde QR QK 106-baby 3-bóligine (qasaqana aýyr dene jaraqatyn keltirý) sáıkes sotqa deıingi tergeý amaldary júrgizilýde.
Eske sala keteıik, budan buryn Oralda turǵyn úı órtenip, kúıik shalǵan úsh adamnyń aýrýhanaǵa túskenin jazǵan bolatynbyz.