BQO turǵyny kıik múıizimen ustaldy
ORAL. QazAqparat – Batys Qazaqstan oblysynda aýyl turǵyny kıik múıizimen ustaldy, dep habarlaıdy QazAqparat tilshisi.
«Ohotzooprom» ÓB» RMQK málimetine qaraǵanda, oqıǵa 3 aqpan kúni Jánibek aýdany aýmaǵynda bolǵan.
Atalǵan mekeme ınspektorlary saǵat 00.05 shamasynda Kúıgenkól aýyldyq okrýgi Qursaı eldi mekeninde atpen júrgen azamatty qolǵa túsirdi.
Onyń «Nike» degen jazýy bar sporttyq qyzyl-qara tústi sómkesinen 12 dana kıik múıizi tabyldy.
Oqıǵa ornyna Jánibek aýdany polıtsııa bóliminiń jedel tergeý toby shaqyryldy.
Qazirgi kezde QR QK 339-baby 1-bóligine sáıkes (ósimdikterdiń nemese janýarlardyń sırek kezdesetin jáne quryp ketý qaýpi tóngen, sondaı-aq paıdalanýǵa tyıym salynǵan túrlerimen, olardyń bólikterimen nemese derıvattarymen zańsyz aınalysý) qylmystyq is qozǵalyp, tergeý amaldary júrgizilýde.
Eske sala keteıik, budan buryn BQO-da múıizderi kesilgen 50-ge jýyq kıik ushasy tabylǵanyn jazǵan bolatynbyz.
