BQO turǵyny kıik múıizderimen qolǵa tústi

ORAL. QazAqparat – Batys Qazaqstan oblysynyń turǵyny kıik múıizderimen qolǵa tústi, dep habarlaıdy QazAqparat tilshisi.

«Ohotzooprom» ÓB» RMQK-dan málim etkenindeı, oqıǵa 18 qańtar kúni Jańaqala aýdany aýmaǵynda boldy.

«Quqyq qorǵaý organdary men «Ohotzooprom» ÓB» RMQK ınspektorlary birlesip júrgizgen reıdtik is-sharalar barysynda Jańaqazan aýyldyq okrýgine qarasty Qarashegen qystaýynan 1981 jylǵy turǵynnan tintý barysynda 18 dana kıik múıizi tabylyp, tárkilendi. Qazirgi kezde QR QK 339-baby 1-1-bóligine sáıkes qylmystyq is qozǵalyp, tergeý amaldary júrgizilýde», dep habarlady vedomstvodan.

Atalmysh bap boıynsha aıypty dep tanylǵan adam múlkin tárkileýmen birge 12 jylǵa deıin bas bostandyǵynan aıyrylýy múmkin.

Eske sala keteıik, budan buryn kıikti zańsyz aýlap, múıizin saqtaǵandar 12 jylǵa deıin sottalýy múmkin ekendigin jazǵan bolatynbyz.

Foto: instagram.com/ohotzooprom.kz