BQO turǵyny esikti qulyptaýdy umytqany úshin aǵasyn óltirdi
ORAL. QazAqparat – Batys Qazaqstan oblysynda esikti qulyptaýǵa umytyp ketkeni úshin aǵasyn óltirgen aıyptalýshyǵa sot úkimi shyqty, dep habarlaıdy QazAqparat tilshisi.
Іs oblystyq qylmystyq ister jónindegi mamandandyrylǵan aýdanaralyq sotynda «TrueConf» mobıldik beınebaınalys júıesi arqyly qaraldy.
Sot talqysynda belgili bolǵanyndaı, bıylǵy 6 aqpan kúni saǵat 14.00 shamasynda V.Pankratov N.Nazarbaev dańǵyly 244/1-úıdegi óziniń 141-páterinde aǵasy ıÝ.Nedobıtko jáne kórshisi A.Sarmınmen araq ishken.
Spırttik ishimdikter bitken soń, saǵat 16.30 shamasynda ıÝ.Nedobıtko men A.Sarmın shyǵyp ketip, V.Pankratov úıinde qalady. Keıin 17.00 shamasynda aǵasy qaıta kirip, kireberis esiktiń ilmeshegin jappaǵan. Osydan aǵaıyndylar arasynda urys-keris týyndap, sońy tóbeleske ulasqan. Aqyry as bólmesinen pyshaq alǵan V.Pankratov ıÝ.Nedobıtkonyń keýdesine keminde úsh márte soqqy jasaǵan. Marqum sol jerde jan tapsyrǵan.
Sýdıa Shara Zaınýllına málim etkendeı, V.Pankratov QR QK-niń 99-baby 1-bóligine (adam óltirý) sáıkes aıypty dep tanyldy.
Sottalýshy kinásin tolyǵymen moıyndady. Ol 10 jylǵa bas bostandyǵynan aıyrý jazasyn qaýipsizdigi barynsha joǵary qylmystyq-atqarý júıesi mekemesinde óteýge sottaldy.
Úkim zańdy kúshine engen joq.
Eske sala keteıik, budan buryn Oralda ákesin óltirgen turǵyn 10 jylǵa sottalǵanyn jazǵan bolatynbyz.
