BQO turǵyny aýyldasyn óltirip, órtep jibergen

ORAL. QazAqparat - Batys Qazaqstan oblysynda turǵyn aýyldasyn óltirip, máıitin órtep jibergen, dep habarlaıdy QazAqparat tilshisi.

BQO Polıtsııa departamenti baspasóz qyzmetinen túsken málimetke qaraǵanda, oqıǵa Terekti aýdany Jańaómir aýylynda boldy.

Marqumnyń máıiti 2 maýsym kúni shamamen saǵat 02.20-da tabylǵan.

«Atalǵan qylmysqa kúdikti retinde buryn sottalǵan 62 jastaǵy er adam ustaldy. Ol 31 mamyr kúni óz úıinde 66 jastaǵy turǵynmen ishimdik iship, keıin aralarynda janjal týyndaǵan. Sodan pyshaq jaraqatyn alǵan 66 jastaǵy er adam oqıǵa ornynda kóz jumdy. Kúdikti jasaǵan áreketin túsinip, aıǵaqtardy joıý úshin úıiniń aýlasynda marqumnyń denesin órtep jibergen.

Joǵalý deregi boıynsha týystary jábirlenýshige izdeý salady. Polıtsııa qyzmetkerleri órtengen máıittiń qaldyqtaryn kúdiktiniń aýlasyn tekserý kezinde tapty. Atalǵan oqıǵa boıynsha QR QK 99-babyna (kisi óltirý) sáıkes sotqa deıingi tergeý amaldary júrgizilýde. Tıisti saraptamalar taǵaıyndaldy», - dep habarlady vedomstvodan.