BQO turǵyny 6 mln teńgeniń avtokóligin jalǵa alyp, qaıtarmaı qoıǵan

ORAL. QazAqparat – BQO turǵyny 6 mln teńgeniń avtokóligin jalǵa alyp, bermeı ketken, dep habarlaıdy QazAqparat tilshisi.

BQO polıtsııa departamentiniń baspasóz qyzmeti málim etkenindeı, oqıǵa Bórli aýdanynda boldy.

Bórli aýylynyń jumys jasamaıtyn 1990 jylǵy turǵyny ótken jyldyń qazan aıynda 34 jastaǵy er adamnan «Toıota Alfard» avtokóligin jalǵa alǵan.

Alaıda ýaqyt óte kele kólikti qaıtarmaǵan. Sondyqtan kólik ıesi polıtsııaǵa júginýge májbúr bolǵan.

Qazirgi kezde QR QK 190-baby 1-bóligine (alaıaqtyq) sáıkes sotqa deıingi tergeý amaldary júrgizilýde.

Ustalǵan kúdikti kinásin moıyndaǵanymen, kólik ázirge ıesine qaıtarylmaǵan. Keltirilgen zalal kólemi – 6 mln teńge.

Eske sala keteıik, budan buryn Oralda asa iri kólemde esirtki tasymaldaǵan 19 jastaǵy qyzdyń ustalǵanyn jazǵan bolatynbyz.