BQO turǵyny 5 kúnnen beri izdestirilýde
ORAL. QazAqparat – Batys Qazaqstan oblysynda iz-túzsiz joǵalyp ketken er adam izdestirilip jatyr, dep habarlaıdy QazAqparat tilshisi.
BQO Polıtsııa departamentiniń baspasóz qyzmetinen túsken málimetke qaraǵanda, Báıterek aýdany Úlken Shaǵan aýylynda turatyn 32 jastaǵy Andreı Şýka 26 maýsym kúni úıinen shyǵyp ketkennen oralmaǵan.
Onyń joǵalyp ketkeni jóninde týystary áleýmettik jelilerge habar bergen. Al polıtsııaǵa 1 shilde kúni ǵana júgingen.
Qazirgi kezde A.Şýkany izdestirý jumystary júrgizilýde. Qandaı da bir aqparatqa ıe azamattar 8-747-379-14-79, 8-778-206-13-31 nemese 102 telefonyna habarlasa alady.
