BQO turǵyny 170-ten astam kıik múıizimen ustaldy
ORAL. QazAqparat – Batys Qazaqstan oblysynyń turǵyny 170-ten astam kıik múıizimen ustaldy, dep habarlaıdy QazAqparat tilshisi.
BQO Polıtsııa departamentiniń baspasóz qyzmetinen túsken málimetke qaraǵanda, 28 aqpan kúni jedel izdestirý sharalary barysynda Oral qalasyna qarasty Krýgloozernyı kenti tusynda 26 jastaǵy júrgizýshi aıdap kele jatqan «VAZ-2107» avtokóligi toqtatyldy.
Kólik salonynan úsh jol sómkesine salynǵan 126 dana kıik múıizi tabyldy.
Kúdikti Jańaqala aýdany Másteksaı aýylynyń turǵyny bolyp shyqty. Onyń mekenjaıyn tekserý barysynda taǵy 48 múıiz tárkilendi. Kúdikti ýaqytsha ustaý ızolıatoryna qamaldy.
Atalǵan derek boıynsha QR QK 399-1-baby 1-bóligine sáıkes (sırek kezdesetin jáne joǵalyp ketý qaýpi bar, sonymen qatar paıdalanýǵa tyıym salynǵan ósimdikter nemese janýarlar jáne olardyń derıvattaryn zańsyz paıdalaný) tergeý amaldary júrgizilýde.
Bul bap boıynsha aıypty adam 7-den 12 jylǵa deıin bas bostandyǵynan aıyrylýy múmkin.
Eske sala keteıik, budan buryn BQO turǵynynan 100-den astam kıik múıizi tárkilengenin jazǵan bolatynbyz.
