BQO turǵyny 13 jasar balaǵa zorlyq kórsetti dep aıyptalýda
NUR-SULTAN. QazAqparat – Batys Qazaqstan oblysynda aýyl turǵyny 13 jastaǵy er balaǵa seksýaldyq sıpattaǵy zorlyq-zombylyq kórsetti dep aıyptalyp otyr. Kúdikti eki aıǵa qamaýǵa alyndy, dep habarlaıdy QazAqparat «Moı gorod» portalyna silteme jasap.
Er adamnyń 13 jasar balaǵa zorlyq-zombylyq áreketin jasaǵandyǵy týraly faktini Aqjaıyq aýdany ákiminiń mindetin atqarýshy Tilekqabyl Ǵabdýshev rastady.
«Iá, mundaı derek tirkeldi. Biraq oǵan qatysty pikir bildire almaımyn. Sebebi tergeý sharalary júrip jatyr», - dedi Tilekqabyl Ǵabdýshev.
BQO sotynyń baspasóz qyzmetindegiler aıyptalýshy QR QK-niń 121-baby 3-bóligine (Kámelettik jasqa tolmaǵan tulǵaǵa qatysty seksýaldyq sıpattaǵy zorlyq-zombylyq áreketteri) sáıkes 2 aıǵa qamaýǵa alynǵanyn málim etti.
