BQO turǵyny 10 kúnde jol erejesin 139 ret buzǵan

ASTANA. QazAqparat – Batys Qazaqstan oblysynyń turǵyny 10 kúnde jol erejesin 139 ret buzǵan, dep habarlaıdy QazAqparat.

Rolisia.kz málimetinshe, aıyppuldyń jalpy somasy 4 mln teńgeni qurady.
«Avtokóliktiń qazaqstandyq tirkeýi joq ekenin paıdalanǵan júrgizýshi jol qozǵalysy erejelerin saqtamaı, qalada jyldamdyqty barynsha asyrǵan. Ol kóligin bazalar boıynsha esepke almaıdy jáne jazadan qutylyp ketemin dep oılaǵan.
BQO Polıtsııa departamenti Ákimshilik polıtsııa basqarmasynyń qyzmetkerleri quqyq buzýshyny ustady. Belgili bolǵandaı, júrgizýshide kólik quralyn basqarý quqyǵy bolmaǵan», - delingen polıtsııa málimetinde.
Avtokólik arnaıy turaqqa qoıyldy.