BQO turǵyndarynyń jartysynan kóbi ekpe saldyrdy

ORAL. QazAqparat – Batys Qazaqstan oblysynda 222 627 adam koronavırýsqa qarsy vaktsınanyń birinshi komponentimen egildi, dep habarlaıdy QazAqparat tilshisi.

BQO sanıtarlyq-epıdemıologııalyq baqylaý departamenti málim etkenindeı, bul – oblys boıynsha egilýge tıisti turǵyndardyń (360 myń) 61,8 paıyzy.

Sondaı-aq 198 930-y (55,3 paıyzy) ekinshi komponentti de saldyrdy.

Aýmaqtyq bólinister boıynsha egilý jóninen Jánibek (birinshi komponent – 76,7 jáne ІІ komponent – 69,7 paıyz), Tasqala (71,1 jáne 64,6 paıyz) aýdandary alda keledi.

Oral qalasynda 215 461 adam egilýge tıis bolsa, sonyń 116 432-si (54,0 paıyz) birinshi, 104 597-si (48,5 paıyz) ekinshi komponentpen egildi.

Oblysta 66 egý kabıneti jumys isteıdi.

Departament málimetine qaraǵanda, jyl basynan beri 28 447 adamnan koronavırýs anyqtaldy.

Qazannyń úsh kúninde 196 adamnyń indet juqtyrǵany belgili boldy.

Sońǵy aptada (27 qyrkúıek – 3 qazan) aldyńǵymen (20-26 qyrkúıek) salystyrǵanda, aýrý juqtyrý kórsetkishi 10,6 paıyzǵa (462-den 413-ke) tómendedi.

Oblys qazirgi kezde sary aımaqta tur.

Eske sala keteıik, budan buryn BQO-da sońǵy tórt táýlikte 250-den astam adamnan koronavırýs tabylǵanyn jazǵan bolatynbyz.