BQO turǵyndaryna bir jylda 1,3 mln qyzmet kórsetildi
ORAL. QazAqparat - Batys Qazaqstan oblysynda 2017 jyly halyqqa qyzmet kórsetý ortalyǵynyń mamandary turǵyndarǵa 1,3 mıllıonnan asa qyzmet kórsetti, dep habarlaıdy «QazAqparat» tilshisi.
Óńirlik kommýnıkatsııalar qyzmeti alańynda BQO boıynsha «Halyqqa qyzmet kórsetý ortalyǵy» departamentiniń dırektory Marat Bassarovtyń málim etkenindeı, sonyń 946 myńy nemese 69 paıyzy elektrondy túrde kórsetilgen.
Onyń aıtýynsha, «Azamattarǵa arnalǵan úkimet» korporatsııasy Qazaqstannyń tiziliminde tirkelgen barlyq memlekettik qyzmet túriniń 83 paıyzdan astamyn kórsetýde.
Oblysta jyljymaly halyqqa qyzmet kórsetý ortalyqtary jumys jasaıdy. Olar shalǵaıdaǵy eldi mekender turǵyndaryna 31546, sondaı-aq múmkindigi shekteýli jandardyń úılerine baryp, 2693 memlekettik qyzmet kórsetken.
«Biz qazirgi qoldanystaǵy memlekettik qyzmet túrleri men úrdisterin udaıy taldap, avtomattandyrýǵa jatatyn qyzmet túrlerin anyqtaımyz. Sonymen qatar úlgi jobadaǵy front-keńselerdiń dızaınyn jasaımyz. 2017 jyldyń 4 toqsanynda qaladaǵy eki bólimniń jáne Terekti, Tasqala, Zelenov aýdandaryndaǵy bólimderdiń birigýi júzege asyryldy», - dedi M.Bassarov. 
Syrym jáne Bókeı ordasy aýdandarynda front-keńse arqyly qolǵa alynǵan azamattyq hal aktilerin tirkeý boıynsha qyzmet kórsetý jobasy azamattarǵa týý týraly kýálikti burynǵydaı 2 jumys kúni ishinde emes, 3 saǵattyń ishinde alýǵa múmkindik beredi.
Sonymen qatar HQKO «Qazposhta» AQ-men birlesip, barlyq eldi mekenderdegi poshta toraptary arqyly qujattardy qabyldaý jáne daıyn qujattardy berý jobasyn bastady. Onyń kómegimen aýyl turǵyndary 66 memlekettik qyzmet túrin ala alady.
Qazaqstandyqtar tarapynan eń kóp suranys, qyzyǵýshylyq týdyrǵan pılottyq joba perınataldyq ortalyqtarda dúnıege kelgen nárestelerge kompozıttik qyzmet kórsetý bolyp tabylady. ıAǵnı, osy joba aıasynda bosanǵan áıelder endi perzenthanadan shyqpaı-aq sábıdiń týý týraly kýáligin alýǵa, sábıge beriletin bir rettik járdemaqyǵa qujat toltyrýǵa, ol bir jasqa kelgenshe beriletin járdemaqyǵa qujat toltyrýǵa jáne náresteni balabaqsha kezegine qoıýǵa múmkindik alady. 2017 jyly oblystaǵy perınataldyq ortalyqtarda sábıdiń dúnıege kelýine oraı 6072 kompozıttik qyzmet kórsetildi.
Múmkindigi shekteýli azamattarǵa kedergisiz orta qalyptastyrý, olarǵa barynsha qolaıly qyzmet kórsetý maqsatynda HQKO «Estý jáne sóıleý qabiletteri buzylǵan tulǵalarǵa onlaın-sýrdoaýdarma» servısin de iske qosty.
M.Bassarov sondaı-aq Oralda avtokólik ıeleri úshin arnaıy qyzmet kórsetý ortalyǵy salynyp jatqanyn, onyń ashylýy bıylǵy jyldyń birinshi toqsanynda kózdelip otyrǵanyn jetkizdi.
