BQO turǵyndary májilismenderden Jaıyq ózeni arqyly avtokópir salýǵa kómek surady
ORAL. QazAqparat - Batys Qazaqstan oblysyna jumys saparymen kelgen Májilis depýtattary, qarjy jáne bıýdjet jónindegi komıtet tóraıymy Gúljan Qaraǵusova, atalǵan komıtet músheleri Tatıana ıAkovleva, Amanjan Jamalovtyń Aqjaıyq aýdany turǵyndarymen kezdesýinde keleli máseleler kóterildi, dep habarlaıdy «QazAqparat» HAA tilshisi.
Aldymen aýdan ákimi Ádil Jolamanov aýyl-aımaqtyń qazirgi jaı-kúıine, Elbasy tapsyrmasyna sáıkes qolǵa alynǵan memlekettik baǵdarlamalardyń jergilikti jerde oryndalý barysyna toqtaldy.
Májilis depýtattary Parlamenttiń zań shyǵarýshylyq qyzmeti, halyqtyń ál-aýqatyn arttyrý men eldiń ekonomıkalyq áleýetin kóterýdi kózdeıtin «Nurly jol», «Jumyspen qamtýdyń jol kartasy - 2020» jáne «Nurly jer» baǵdarlamalary týraly keńinen áńgimelep berdi. Bul rette, óńirlerge bólingen qarjyny óz ornymen jáne tıimdi jumsaýdyń mańyzdylyǵyn atap kórsetti.
Jıynda aýyl turǵyndary da óz usynys-tilekterin bildirdi. Eńbek ardageri, kóp jyl aýdandyq máslıhat hatshysy qyzmetin atqarǵan Dáýletjan Jaqsybaev talaı sport sańlaǵy túlep ushqan úlken aýdanda áli kúnge deıin zamanaýı dene shynyqtyrý-saýyqtyrý kesheniniń joqtyǵyn tilge tıek etti.
Sol sekildi aýdan ortalyǵy Chapaev aýyly tusynda Jaıyq ózeni arqyly ótetin avtokópir salý máselesi kópten aıtylyp keledi. Bul nysan qurylysy qolǵa alynsa, halyqaralyq mańyzy bar Samara-Shymkent kúre joly kesip ótetin Syrym aýdanyna qaraı tike jol ashylar edi. Oǵan qosa, Chapaev-Jalpaqtal-Qaztalov-Jánibek arqyly bolashaqta Reseıdiń ońtústik aımaqtarymen de qarym-qatynasqa qolaıly bolar edi.
Sol sekildi «Tanym» destrýktıvtik dinı aǵymdardan japa shekkenderge kómek ortalyǵynyń jetekshisi Qurman Bıseǵalıev terrorızm men ekstremızmniń aldyn alýdaǵy jumystardy shırata túsý qajettigine nazar aýdarsa, aýdandyq qurylys, sáýlet jáne qala qurylysy bóliminiń basshysy Asylbek Janshın «Nurly jer» baǵdarlamasy boıynsha jalǵa turǵyn úı berýdiń keıbir tustaryn áli de naqtylaı túsý kerektigin aıtty.
Májilis depýtattary sapar barysynda aýdan aýmaǵynda iske qosylǵanyna kóp bola qoımaǵan «Batys Marqa Lamb» JShS-nyń et kesheninde boldy.
