BQO turǵyny sot arqyly qyzmetin qaıtaryp, 2 mln teńge óndirdi

ORAL. KAZINFORM — Oral qalasynyń № 2 sotynda M. degen turǵynnyń burynǵy qyzmetine qaıta ornalastyrý jáne májbúrli túrde jumystan bosaǵan kezindegi jalaqysyn óndirip alý týraly azamattyq isi qaraldy.

BQO sotynyń baspasóz qyzmetinen málim etkenindeı, atalǵan azamat memlekettik kásiporyn fılıalynyń tártiptik jaza qoldaný týraly buıryǵyn zańsyz dep tanýdy talap etken. 

Sot otyrysynda talapkerdiń 2025 jyldyń 10 shildesinde eńbek shartyn buzý túrindegi tártiptik jazaǵa tartylǵany anyqtaldy. Buıryq qyzmetkerdiń eńbek mindetterin dáleldi sebepsiz birneshe ret oryndamaýy saldarynan týyndaǵan. 

Budan buryn, 2025 jyldyń 15 qańtaryndaǵy buıryqpen talap qoıýshyǵa qatań sógis túrindegi tártiptik jaza qoldanylǵan. Talap qoıýshy sotqa shaǵymdanyp, talap aryz qanaǵattandyrýsyz qaldyryldy, sot sheshimi zańdy kúshine engen joq. 

Sot bul joly qyzmetkerdiń tártiptik jazasy bar eńbek mindetterin dáleldi sebepsiz birneshe ret tıisinshe oryndamaýy týraly 2025 jylǵy 10 shildedegi buıryqtyń negizderin zańsyz dep tapty.

- Memlekettik kásiporyn fılıalynyń tarapynan birneshe zań buzýshylyq anyqtalyp, sot M-nyń talabyn qanaǵattandyrdy. Eńbek shartyn buzý týraly tártiptik jaza qoldaný týraly buıryqty zańsyz dep tanyp, talap qoıýshyny burynǵy qyzmetine qaıta ornalastyrdy. Oǵan qosa jaýapkerge talap qoıýshynyń májbúrli túrde jumystan bosatylǵan kezeńdegi ortasha jalaqysy - 1 641 714 teńge, sondaı-aq 400 myń teńge kóleminde zańdy ókildiń shyǵyndaryn tóleýdi mindettedi. Jaýapker sonymen qatar jergilikti bıýdjetke 20 349 teńge memlekettik baj tóleıdi.

Sheshim zańdy kúshine engen joq, - dep habarlady vedomstvodan.

Eske sala keteıik, budan buryn BQO-da zań mas kúıinde kólik aıdaǵan mektep dırektory sógispen qutylǵanyn jazǵan bolatynbyz.